阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
来源：闹市静心
作者：何新旧
沪语改写、讲述：朱友好
文字、语音审核：丁迪蒙
编辑：王乙其
旧年仔天热，老婆回杭州照顾姆妈，原来屋里向个事体我侪勿管个，搿记有眼慌了，冷静下来想想，觉着问题也勿大，只有夜里个一顿饭有点麻烦。不过呢，天热吃饭还是蛮便当个，时令个瓜果邪气多，丝瓜、冬瓜、南瓜、黄瓜、苦瓜、西葫芦、佛手瓜……，配点咸肉、咸蛋、皮蛋、开洋、虾干、笋干……就好解决个。天热，一碗汤是勿好少个，迭能一逼末，倒逼出只“三原汤”来了。
“三原汤”，借用了美术绘画上头个三种最基本个颜色，三原色。三原汤也是热天三种最基本、便当个食材组成个，加工方便，葛末，三原汤用了阿里三种原料呢？
第一，是绿颜色个丝瓜，第二，是红颜色个番茄，第三呢，是黄颜色个天目笋干。前头两种是热天介个时令食材，天目笋干是我插队落户个杭州临安 西天目山 西游村出产个，每年，我侪会收到老底子个房东搭农友寄拨我个天目笋干。
天目笋干主要是由石竹笋精制而成，石竹笋以“清鲜盖世”、“甲于果疏”著称，做成个笋干颜色棕黄、保持了肥嫩、 清香、味美个特色。含有糖、铁、钙、磷、脂肪、蛋白质咾啥多种成份，可以开胃，人称“保健蔬菜”。天热个口味应该以清淡为主。所以三原汤特别适合勒热天介吃。
三原汤，主要是拿丝瓜搭番茄汏清爽，丝瓜削皮之后切成滚刀块，番茄剖开4到6片备用。烧三原汤主要是笋干。笋干有剥皮、盐水烧熟、木炭烘干迭个三步。
笋干本生就是熟个，冷个就可以直接吃了。勒上海、浙江个饭店里，就有一盆冷开水汏清爽，加点麻油咾啥个佐料扯成功丝个 “凉拌笋干”。加上整个三原汤个香味道、鲜味道搭咸味道。笋干是咸个，烧之前要用冷水汏脱一眼咸，笋干是用手工做个，每一批咸个程度侪勿一样，每个人口味也勿一样，笋干要汏到阿里一种程度，只好自家去摸索。可以公开个秘密是：笋干浸泡之后再可以纵向扯开。
烧三原汤用勿着起油镬，勒空镬子里倒适量个水，加笋干烧开，五分到十五分钟之后，拿丝瓜搭仔番茄摆进去，迭个辰光镬盖勿要盖，等再烧开之后，一碗色、香、味俱全个三原汤就烧好了，等侬来品尝哦。
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“启迪心田沪语”公众号
我知道你在看哟~
#artContent h1{font-size:16px;font-weight: 400;}#artContent p img{float:none !important;}#artContent table{width:100% !important;}